Биднийг дэмжээд  LIKE дараарй (^_*)


Таны толгойд хэзээ нэгэн цагт хаа нэгтээ зоог барьж дуусаад шүдний чигчлүүр ашиглан шүдээ цэвэрлэж суухдаа шүдний чигчлүүр яагаад нэг талдаа ховилтой байдаг юм бол гэсэн бодол орж ирж байсан уу? Тэгвэл яагаад ийм байдаг тухай бяцхан нууцыг бид танд дэлгэж байна. Гэхдээ энэ нууц хоёр талдаа үзүүртэй шүдний чигчлүүрэнд биш зөвхөн нэг талдаа үзүүртэй, нөгөө талдаа ховилтой шүдний чигчлүүрэнд хамаарч байгаа юм шүү. Энэ ховил хугалахад зориулагдсан. Гэхдээ яагаад заавал үүнийг хугалах ёстой гэж?

Европчуудын хэрэглэдэг шүдний чигчлүүр голдуу хоёр талдаа үзүүртэй байдаг. Учир нь Европт үнсний сав хаа сайгүй байдаг ба шүдээ цэвэрлэсэн чигчлүүрээ энд тэндгүй байрлуулсан үнсний савнууд руу шидчихэж болно. Харин Японд тийм биш. Шүдээ цэвэрлэж цэвэрлэчихээд бохир чигчлүүрээ ширээн дээр хаячихалтай нь биш. Бас ширээ ч тийм цэвэр биш байж болно. Харин энэ тохиолдолд ховилтой шүдний чигчлүүрийн ховилтой талыг хялбархан хугалан суурь болгон ашиглаж, бохир үзүүрийг ширээний гадаргууд хүргэлгүй байрлуулах боломжтой юм.