Астрономи буюу одон орон судлал нь манай дэлхий дээрх хамгийн эртний шинжлэх ухаан юм. Ер нь одон орны шинжлэх ухааныг бусад шинжлэх ухааны үндэс суурь нь гэж үздэг. Хүн төрлөхтөн эрд дээр үеэс л нар, сар, од, тэнгэрийн байдлыг ажиглан цаг хугацааг баримжаалах, зүг чигээ олох зэргээр аж амьдралаа төлөвлөж, байгаль дэлхийтэйгээ зохицон амьдарч байсан ч астраномийг анх эртний Вавилон, Египет, Хятад зэрэг улсуудад шинжлэх ухааны түвшинд судалж эхэлсэн гэж үздэг. Одон орныг судалснаар хүний нийгэмд хөгжил асар их дэвшилт гарсан. Нар, сар болон огторгуйн бусад эрхсийн хөдөлгөөн нь дэлхий дээр өдөр шөнө солигдох, 4-н улирал солигдох, цаг агаарын өөрчлөлт, далайн түрлэг зэрэгт нөлөөлдгийг улам бүр таниж мэдсэнээр хүмүүс газар тариалан, мал аж ахуй эрхлэх, далайд аялалт гарах, цаг тооны бичиг зохиох, газрын зураг зохиоход ашиглаж эхэлсэн.

Харин орчин үед хүн төрлөхтөн одон орон гариг эрхсийг судлахдаа хамгийн сүүлийн үеийн дэвшилтэт, өндөр хүчин чадалтай дуран авиа, компьютер, өндөр хурдны интернет мөн судалгааны зорилгоор хөөргөсөн олон олон хиймэл дагуулын мэдээллийг ашиглан эрчимтэй хөгжиж байгаа. Ялангуяа 1990 онд дэлхийн агаар мандлын гаднах тойрог замд Хаббл гэдэг дуранг хөөргөснөөс хойш гариг эрхсийн физик бүтэц, тогтоц зэргийг улам бүр нарийн шинжлэх боломжтой болсон. Өнөөдөр Хойд Америк, Япон, Австрали, Хятад зэрэг улсуудад одон орон судлал асар өндөр түвшинд хөгжсөн байгаа.
Манай Монголын ард түмэн ч эрд дээр үеэс эхлэн нар, сар, оддын өөрчлөлт, хөдөлгөөнийг өдөр тутмын амьдралдаа өргөн хэрэглэж эхэлсэн. Мөн хүн, байгаль, оддын холбоогоор юмыг урьдчилан төлөглөж монгол зурхайг хөгжүүлэх байсаан. Харин манай Монголын одон орон судлалын төв анх 1957 онд байгуулагдаж байжээ. Одоо Богд ууланд "Хүрэл тогоот” гэсэн нэртэй үйл ажиллагаагаа явуулж байгаа.