Энэ сарын 08-ы өдрийн УИХ-ын чуулганаар жил бүрийн өвлийн тэргүүн сарын шинийн нэгнийг "Их Эзэн Чингис хааны өдөр” тэмдэглэж байхыг, мөн бүх нийтээрээ амрахаар хуульчилан баталсан. Үүний дагуу Монголчууд бид өнөөдөр буюу 11 дүгээр сарын 14-ны өдөр эх түүхээрээ бахархан цэнгэж байна. Ер нь улс бүхэн л өөр өөрийн гэсэн бахархал түүхтэй. Харин Монголчуудын бидний хувьд овоглох эрхтэй Чингис хаанаараа бахархаж сууна. Энэ өдөр бид дэлхийн түүхэнд нэрээ "ТОД”-оор үлдээсэн агуа түүхт хүний удам гэдгээрээ бахархаж хэрэгтэй. Өнөөдөр халуун ам бүлээрээ нэгэн дор цуглаж үр хүүхдэдээ бидний өвөг дээдэс, тэр дундаа энэ агуу хүнээр яагаад бид бахархах ёстой вэ гэдгийг та бүхэн тайлбарлаж өгөх нь зүйтэй байх.

Танд, танай гэр бүлд, элэг нэгт Монгол түмэндээ Эзэн Богд Чингис хааны 850 жилийн ойн мэндийг хүргэхийн сацуу Монгол түмний нэг, мянганы их хүн Чингис хааны үр сад хэмээгдэх эрхэм алдрыг зүүх ховорхон завшаанд тань баяр хүргэе.